ایس دا حصہ: سوہنی مہینوال · ۹۵ وچوں ۱۲۰› ۹۴پوری لکھت وچ پڑھو۹۶ ‹قصہسوہنی دا دریا وچ ٹھلھنا تےفضل شاہ · ۱۸۲۷ – ۱۸۹۰لفظاں دے معنیا−ا+نقل کروچھاپوسانجھا کروبند ۱گھمنگھیری وچ پے جاناپانی چڑھ آیا اپر کنڈھیاں دے،اوس رات سی ایڈ طوفان میاں ۔سوہنی وچ دریا دے جائ وڑی،کمب گئے نی زمیں اسمان میاں ۔امبر کڑک ڈرانودے رھاد وانگوں،دیکھ سہم گئی اوہدی جان میاں ۔مڑ مڑ دے تسلیاں جی تائیں،مندا یار توں مکھ بھوان میاں ۔مکھ موڑیاں عشقَ نوں لاج لگے،مہینوال تے جان قربان میاں ۔مہینوال ہے دو جہان اندر،مال جان تے دین ایمان میاں ۔والی روح دا ہو اداس ٹریا،جھلی آئِ کے وا خزان میاں ۔اوڑک بنھ مڈانسڑا ٹھلھ پئی،کچے گھڑے اتے لایا تان میاں ۔جو کجھ لوح مہفوز تے لکھیا سی،سوئی وہِ ملسی اج آن میاں ۔کرے جان ہوالڑے یار دے جی،جہڑا یار سی ورد زبان میاں ۔اج شاخ امید دی ٹٹّ پیسی،ہوسی باغ وجود ویران میاں ۔فضل یار توں مکھ نہ موڑیو سو،ہوئی یار دے ولّ روان میاں ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہوکی سورس (پنجابی)، عوامی ملکیت والا متن: سوہنی مہینوال فضل شاہجانچمتن وکی سورس توں لیا گیا اے، جتھے ایہنوں عوامی ملکیت (پرانی لکھت) آکھیا گیا اے۔ حالے کسے چھپی کتاب نال ملایا نہیں گیا۔