Verse 1چیت
Verse 2چڑھ پیا چیتر سہاوا ،مٹھیآں وگن ہوائیں ، باغیں کھڑیاں بہاراں ،خوشیاں ڈلھ ڈلھ پئیاں ۔
Verse 3کنتے آن سنائی کوئی کوچ تیاری ،اڈ گئے ہتھاں دے طوطے ،دل دیاں دل وچ رہیاں ۔
Verse 4ہائے ! چیتر مہینے کنتے کیتی تیاری ؛ لیتے ترلے بتھیرے پیش کوئی ن گئیا ۔
Verse 5چڑھ پیا گھوڑے تے ماہی بنکے ڈھول سپاہی ،تر گیا دور مہمیں،میں وچ ڈوباں دے پئیاں ۔
Verse 6وساکھ
Verse 7روندیاں آ گئی وساکھی سانوں چاؤ ن کوئی ،گھر گھر سیرے تے منڈے ،چلھے اگّ ن پئیا ۔
Verse 8جیٹھ
Verse 9چڑھ پیا جیٹھ ، وے کنتا !تپیاں بھوآں تے واواں ،اندر دھکھدا وچھوڑےسیجے لچھ لچھ رہیاں ۔
Verse 10لوآں مینوں چا گھلیں ، جیٹھا ! عرضاں ہاں کردی ،تتی واؤ دا جھولا لگے سائیں ن دیہیاں ۔
Verse 11ہاڑھ
Verse 12چڑھیا ہاڑھوں مہینہ ،باراں بھٹھّ تپیندے ،لوندے کاواں تے چڑیاں ،میں ودھ سہکدی پئیاں ۔
Verse 13ہک دکھ اپنا وچھوڑا،دوجے ماہی دی چنتا ،گھٹّ صبراں دے پی پی وچ ہاویاں دے پئیاں ۔
Verse 14تیرے ویراں تے چھاتے جدوں جاندے نی دھپے ،تینوں تردیاں نوں چھتری کاہنوں لے میں ن دئیا ۔
Verse 15سورج ! تپیؤ ن اوتھے جتھے پیا گیا وے ۔لوؤ ! ٹھنڈھیاں ہو وگنا جتھے جندی میں گئیاں ۔
Verse 16چھایا مہراں دی پائیں ،میرے سہنیاں ربا !'ماہی-دیشی' جے گرمی پیندی لے لے کے جھئیاں ۔
Verse 17ساون
Verse 18چڑھیا ساون مہینہ سہیاں پینگھاں نے پائیاں ۔سولاں وجن کلیجے جھکی منجی تے پئیاں ۔
Verse 19سہیاں ٹمبدیاں آ آ'اٹھ نی ساویں نی آئے ' ؛ انیؤ ! ماہی وہونی دکھاں مار مکئیاں ۔
Verse 20ٹر گیا دیس بدیسیں چھڈّ کے ہائِ اکلی ؛رو رو ہوئی ہاں جھلی جیؤندی کاہنوں ہاں رہیاں ۔
Verse 21بھادروں
Verse 22آ گیا بھادوں مہینہ راتاں کالیاں آئیاں ،اٹھدے بدل بی کالے ،کڑکاں بجلی دیاں پئیاں ۔
Verse 23تینوں سانئیں دیاں رکھاں ،جتھے ہوویں توں کنتا !ہن پر موڑ مہاراں مار درداں نے لئیاں ۔
Verse 24اسو
Verse 25چڑھیا اسو مہینہ راتاں ٹھردیاں جاون ،دھپاں ڈاڈھیاں دن نوں ،تیرے فقریں میں پئیاں ۔
Verse 26جیڑھے دیسیں میں ماہی شالہ دھپاں ن پاویں !ماہیا ! موڑ لے واگاں،ساری صدقے ہو رہیاں ۔
Verse 27آجا آجا وے کنتا !آ کے دیکھ پیاری تیرے غم نے نچوڑی رتی رتّ ن رہیاں ۔
Verse 28کتک
Verse 29چڑھیا کتک مہینہ گھر گھر جگدے نے دیوے ؛رو رو بھجدی اے انگی طعنے دیندیاں سہیاں ۔
Verse 30'تیرا کنت انوکھا نی پردیس گیا اے !کئیاں ہوراں دے گئے نے کھیڈن ساریاں پئیاں ' ۔
Verse 31کس نوں آکھ سناواں ،میری پریتِ اولی ،وچھڑ جیؤ ہی ن سکاں ، دسدی جیوندی کیوں پئیاں ۔
Verse 32سوہنی رتّ گلابی کھاون پیون ہنڈھاون بھاویں سبھ کجھ چنگیرا مانن ساریاں سہیاں ۔
Verse 33مینوں بھاوے ن مولوں باجھوں کنت پیارے ،کھچاں پین اگمی ،ہولاں ہولاں کھا گئیاں ۔
Verse 34مگھر
Verse 35روندیاں مگھر آ پہنچا ،رتاں ٹھنڈھیاں آئیاں ،بھرائے لیف تلائیاں کنتاں والیاں سہیاں ۔
Verse 36ڈھٹھی کونج جیوں ڈاروں اپنے کنتوں وچھنیلچھاں تڑپھاں تے لچھاں کوکاں کوک کرلئیاں ۔
Verse 37پوہ
Verse 38آیا پوہ دا مہینہ ،رو رو بھجے نی بھوچھن ۔پالا بھندا اے ہڈّ ہن جنداں سوسدیاں پئیاں ۔
Verse 39کیہڑے دیس گؤں وے ! چھڈّ کے ہائِ اکلی !آپوں کیہ پیا کرنیں ؟کوئی سار ن پئیا ۔
Verse 40پوہ دیاں بیتن ن راتاں لمیاں پندھ پہاڑیں ،دسن چند ن تارے ،ڈر ڈر اٹھدی ہاں پئیاں ۔
Verse 41سہیاں سدنے آئیاں :-'چل نی لوہی وکھائیے گنے ویکھ نی چلدے ٹھاہ ٹھاہ گولی دی ٹھہیاں ۔
Verse 42پالا مار مکائیے پوہ نوں کھوہ کے بھجائیےسارے پھوک کے چرخے نگھاں موڑ لئییاں' ۔
Verse 43کنت ! تیرے بناں ہے سننجا ویہڑا تے کھیڑا ، ہویا دیش بگانہ ،وچھڑی ولپدی پئیاں ۔
Verse 44ہائے ، کنتا پیارے !میں بن تینوں ، میں سائیاں !کدے اودر اداسی دسّ پئیا ن پئیا ؟
Verse 45ماگھ
Verse 46چڑھ پیا ماگھوں مہینہ سکے نین ن ساڈے بدل بھریاں دے وانگواکھاں بھریاں ہی رہیاں ۔
Verse 47جھاڑے پالے نے کھنبھ نے رتاں نھاون دی آئیاں بیلاں بوٹیاں دیاں اکھاں ہن تاں بھر بھر آئیاں ۔
Verse 48ایپر رویا 'وچھوڑا' ساڈا اکھیں ن بھرکے ،نین سکدے ن ساڈے روندی بکیں ہاں رہیاں ۔
Verse 49سک سک ہوئی ہاں تیلا،آ کے ویکھ خاں کنتا ! تیرے باجھوں پیارے !ہن تاں مکی ہی پئیاں ۔
Verse 50آ کے ویکھ خاں بوٹا چھڈّ گلاب گؤں وے ،رہِ گئی سکی اے ڈالی ساری جھمبی میں پئیاں ۔
Verse 51پھگن
Verse 52رتّ پھر پئی سہاوی ،پہنچ بسنت پیا وے آ گیا پھگن مہینہ پیلی ہوئی میں پئیاں ۔
Verse 53سہیاں پھاگ رچائے سانوں سدنے آئیاں میہنے دیندیاں طعنے نالے لاڈ لڈئیاں ۔
Verse 54'اٹھکے چل پؤ خاں بھینی ! دیکھن کان ہی ٹر پؤ ،بھلا دل پرچیویدھیان ہور تھے پئیاں ' ۔
Verse 55ہائِ کنت پیارے !ہائِ جند دیئے جندے !ہائِ کتھے گیا ایں ؟کوئی دسّ ن پئیا ۔
Verse 56پھگن بیتن تے آیا سائیں سوئِ ن آئی ؛ستھر لتھیاں سائیاں !ستھر ہوئی میں پئیاں ۔
Verse 57ہوش چلیؤ، سائیاں !تیرے مگرے ہی ڈھونڈن ستھر لتھیاں سائیاں !ستھر ہوئی میں پئیاں ۔
Verse 58پھگن دا انت
Verse 59بیٹھا کون سرھانےہتھ متھے تے دھریا جند رمکے اے لاندا ،جیؤ جیؤ ربا میں پئیاں ۔
Verse 60جھک جھک کون اے وینہدا ؟ایہہ تاں نین پیارے ،ایہہ تاں ماہی دیاں جھاتاں،جھاتاں ماہی دیاں پئیاں ۔
Verse 61آہو آہو نی سہیو !آ گیا ماہی نی میرا ۔ تیرے باجھوں میں ماہی !میں تاں میں ہی ن رہیاں ۔
Point at or tap a word to see its meaning. With a keyboard, Tab reaches the words and the arrow keys move between them.