Verse 1بیٹھے ملے پیارے واڑی پیار والی ۔مانوں کھڑی ہے سوہنی ،چو چو پوے ہے لالی ۔جھمر ہے سیس پاندی دیوی 'پیار ' والی -کھیوی ، کھڑی ، خوشی ہے گاندی وجائِ تالی :-
Verse 2پیار دی دیوی گانویں :-'پیاری کھڑی ہے میری واڑی ملاپ والی ،لہرے پیار وایو ،جھومے پیار ڈالی ۔
Verse 3چھٹدے خوشی پھہارے،برسن انند بدل ،موجاں دا راگ چھڑیا ،ہاسی بجائ تالی ۔
Verse 4ملنا سکھال سبھ کچھ ،ملنا 'ملاپ ' اوکھا ،مل جے ملاپ جاوے ،جاوے جنم ن خالی ۔
Verse 5ملنے دی چنگ سبھ دے اندر میں آپ پائی ،جسنے ہے ایہہ مگھائی چنگوں ہے اگّ بالی ۔
Verse 6بلدی ہے اگّ ڈاڈھی ،-'ملنا ' ہی ملن لوچے ، 'ملنا ' ملے جے ناہیں ، مچدی اے اگّ لالی ۔
Verse 7بھڑکی اگن ملن دی برہوں دے کشٹ توڑے ،جھاگے پہاڑ ندیاں ، گھالاں کٹھور گھالی ۔
Verse 8جیوں جیوں ودھیک اٹکاں تؤں تؤں اے اگّ تکھی ، جیوں جیوں اے اگّ تکھی اٹکاں نوں جائ جالی ۔
Verse 9برہوں بھینگ ڈاڈھا پاوے سدا وچھوڑے،-ملنی گھڑی ملن دی اوکھی ، کٹھن ، درالی ۔
Verse 10میرے چمن ودھیرےلگی ہے اوڑ رہندی ،سانئیں جاں آپ تٹھےہندی تدوں کھشھالی ۔
Verse 11آوے بنسپتی تے بھاویں بسنت چرکی ،نسچے ورھے دے مگروں آوے ، ن جائ خالی ۔
Verse 12'بارھیں ورھیں سنیوے' کہندے 'اروڑیاں دی '،گیڑا چراسی خاکے پاپی بی ٹھور بھالی ۔
Verse 13میری بہار دا ہے ویلا گھڑی ن کوئی ،آؤ کدوں ایہہ مڑکے دیؤُ کدوں دکھالی ؟
Verse 14سکاں سکیندیاں اے ،راہاں تکیندیاں اے ،لوچاں لوچیندیاں اے ،کھڑدی کدے ہے لالی ۔
Verse 15تاہیؤں اے اتی پیاری ، مہنگی ہے جند نالوں ،ملدی گھڑی جدوں ہے ،ہندی ہاں متوالی ۔
Verse 16ایسا امول ویلا ،ایتھے ہے اج آیا ،کھڑیا چمن اے تکاں ،ماواں ن وانگ مالی ۔
Verse 17(تربھک کے تے تکّ کے ):-
Verse 18آئی فرض دی دیوی میرے چمن کی کرنے ؟کچھے ہے کچھ لکایا ،ہتھوں بی ہے ن خالی ۔
Verse 19داتی ہے کچھّ ماری ،قینچی ہے ہتھ اندر ،متھے تے تیؤڑی ہے اکھی ہے رعب والی ۔
Verse 20اڈدی او ویگ تکھے آئی 'فرض ' دی دیوی ،بولی گمبھیر ہو کے ،سر نال زور والی :-
Verse 21فرض دی دیوی بولی :-
Verse 22اٹھو ، چلو مسافر !مل بیٹھنا نہیں ہے ،پے کے ملاپ موجیں ،ایوں اینٹھنا نہیں ہے ۔
Verse 23بیٹھے ملے جو سنگے تربھکے اے سدّ سنکے ، ہوروں ہی رنگ ہوئے ،- حالت ن او رہی ہے ۔
Verse 24دیوی فرض دی بولے ،چانہدی نہیں اڈیکے ، جاپے کہ ایس اندر رس دی کنی نہیں ہے ۔
Verse 25پھیر فرض دی دیوی بولی :-
Verse 26کارج ہے ڈھیر کرنا ،ویلا بہت ہے تھوڑا ،مارو ہی مار کردی سر سنجھ آ رہی ہے ۔
Verse 27دنیاں ن سندرتا ہے ،میلہ ن موج تھاں ہے ،فرضاں دی ہے اے گھاٹی لیکھے دی اے وحی ہے ۔
Verse 28اٹھو ملاپ وچوں ،سر تے پئے کراں نوں تکو ، تے چا نباہو ،بانی اے سچ کہی ہے ۔
Verse 29بولی پیار دیوی جس تے ہے چنت چھائی ،جھینی وراگ والی کومل آواز آئی :-
Verse 30پیار دی دیوی بولی :-
Verse 31ہردے کٹھور والی !دردوں نرول خالی !خالی مہبتوں ! توں کتھوں ہیں دوڑ آئی ؟
Verse 32قینچی تے داتری اے لننے نوں میں باغیچی کتھوں خرید کے ہیں اپنے توں نال لیائی ؟
Verse 33ملیاں دے دیکھ ہردے کیکوں پئے نی بجھے ،دوئی توں دور ہوئے اک-روپتا سمائی ۔
Verse 34کرپا کریں ، پیاری !پاویں ن بھنگ کوئی ،درلبھ بہار میری مہنگے ہے بھاؤ آئی ۔
Verse 35پا کے دوٹّ متھے دیوی فرض سنائی ڈاڈھی کرخت بانی پہلے توں کر سوائی ۔
Verse 36فرض دی دیوی بولی :-
Verse 37تینوں ہے 'سندرتا ' دا اکو ہی شوق پیارا ،'فرضاں ' دی کار کرنی ، میں تاں اے لو لگائی ۔
Verse 38'نرمی دلاں ' دی ، نالے کھانی جو 'کھچّ ' اندر ،رہنا 'ملاپ ' متے ،مینوں ن لوڑ کائی ۔
Verse 39جاناں آرام ناہیں ،موجاں ترس ن جاناں ،جاناں فرض دا کرنا ،دکھ سکھ وچار ناہیں ۔
Verse 40چھڈّ دہ دلاں نوں ، پیاری :کارج بڑا ہے کرنا ،عمرہ ہے بہت تھوڑی ،ویلا نٹھیندا جائی ۔
Verse 41دیوی پیار والی جادو پریم پایا ،کھچیا دلاں نوں ڈاڈھا مانو سی اک کرایا ۔
Verse 42چھایا پریم ایسا باقی ن ہوش کوئی ،لگے ن واہ کوئی دیوی فرض دا لایا ۔
Verse 43ڈٹھا پریم گاڑھا دیوی فرض دی روئی ،اک ویر چھڈّ جاناں اس دے ردے بی آیا ۔
Verse 44'موہ ' توں چھڈان آئی ، موہی گئی او آپوں ،فرضوں چتان آئی اپنا 'فرض ' بھلایا ۔
Verse 45چھن دوسری دے اندر ،وٹی کسیس اس نے وسدا بگیچڑا او برہوں دی نیں رڑھایا ۔
Verse 46'فرضاں ' دے پالنے نوں سبھ اڈرے کرائے ،کوئی کتے لچلی،کوئی کتے پچایا ۔
Verse 47دیوی 'پیار ' دی دا 'میلاپ' باغ کھڑیا اک آن وچ لٹایا اک آن وچ کھنڈایا ۔
Verse 48برہوں دے بن پہاڑیں کھوجن 'ملاپ ' تانئیں دیوی 'پیار ' دی نے پھر سیس تے سی چایا ۔
Verse 49لبھدی 'ملاپ ' پھردی روندی وراگ ماری ،ہسی چھنک سی پیاری پربت غماں دا آیا ۔
Verse 50دیوی 'فرض ' دی چاہے دتے وچھوڑ پیارے میٹی ن 'کھچ ' ملن دی بھاویں سی زور لایا ۔
Verse 51میلیگی کھچ ملن دی ،دیوی 'پیار ' والی !کاہنوں اداس ہوویںجی کاسنوں ہے ڈھایا ۔
Verse 52ملنے دی 'کھچّ ' جے ہے ،تیرا ن باغ لٹیا ہے 'راس ' کیم جسدی 'توٹا ' ن اوس آیا ۔
Verse 53کھچیگی کھچ اگمی وتھاں امنویاں وچ ،کسکاں دے ، دے تنکے ،میلن دا تان لایا ۔
Verse 54'کھچ ' ہے اے راس تیری ، شالہ نکھٹے ناہیں ،'وچھڑن' 'ملن ' دے اندر اسدا ہو راج سوایا ۔
Point at or tap a word to see its meaning. With a keyboard, Tab reaches the words and the arrow keys move between them.