Part of Sohni Mahiwal (سوہنی مہینوال) · 82 of 120‹ 81Read it in the whole text83 ›Qissaحالَ سوہنی دے فراق داFazal Shah · 1827 – 1890Word meaningsA−A+CopyPrintShareVerse 1اودھر سوہنی روندڑی بیٹھ گوشے،دسّ جا مینوں بھلا بیلیا اوئِ ۔آکھے دوتیاں دے، یار چھڈّ ناہیں،گل لا مینوں بھلا بیلیا اوئِ ۔تجھ باجھ آرام حرام ہویا،تیرا چا مینوں بھلا بیلیا اوئِ ۔سننجے درد بے درد نے کرد لا کے،کٹھا چا مینوں بھلا بیلیا اوئِ ۔جچر ملیں نہ صبر قرار آوے،کسے داء مینوں بھلا بیلیا اوئِ ۔منہ دے بھار پئیاں کٹھی درد غم دی،آ چا مینوں بھلا بیلیا اوئِ ۔چوری ماؤں تے باپ توں آ ملنا،کسے داء مینوں بھلا بیلیا اوئِ ۔نام ربّ دے کریں خیال سائیاں،مکھ وکھا مینوں بھلا بیلیا اوئِ ۔سینے سانگ مارے وچھڑ جان تیرا،گھیرا پا مینوں بھلا بیلیا اوئِ ۔تجھ باجھ جہان دے دکھ سارے،پئے دھا مینوں بھلا بیلیا اوئِ ۔فضل کجھ نہ سجھدا مجھ تائیں،تیرا چا مینوں بھلا بیلیا اوئِ ۔Point at or tap a word to see its meaning. With a keyboard, Tab reaches the words and the arrow keys move between them.See meaningWord meaningSource: Open in the dictionarySee the source entry →Same spelling in Editorial gloss, not yet reviewed.SourceWikisource (Punjabi), public-domain transcription: سوہنی مہینوال فضل شاہVerificationTranscribed from Wikisource, where the text is marked public domain (PD-old). Not yet checked against a printed edition.