Verse 1دھپاں پالے سر تے سہندا نیندر بھکھ پیاساں اگے ہی اوہ مان نہ آہا لگّ پئیاں ہن آساں
Verse 2اعظم-اسم پکاندا جاندا برکت اس دی بھاری قوت زور عشقَ دا تن وچ ہور اسم دی یاری
Verse 3ہک دن تردے تردے جاندے جا اچی ہک تکی اوسے ولّ اتیرے چڑھیا رکھ دلیری پکی
Verse 4اچا تھاں وڈیرا آہا چڑھدا گیا اگیرے اتے جا تئجب ہویا پھیری نظر چوپھیرے
Verse 5ہر ہر پاسے نگاہ دوڑائی تکے ربّ دیاں کھیلاں جیوں کر نجد اتے چڑھ مجنوں تکدا سی گھر لیلاں
Verse 6قلعہ بلند حسابوں باہر نظر پیا ہک پاسے ہک ہک برج اوہدے تے ایسا جیوں کر قلعہ رہتاسے
Verse 7باہی ایڈی اچی آہی جے اک کرے سہارا پہلے پھیر پہنچے مڑ کے اگے ہور پسارا
Verse 8جے سیمرغ اڈاری مارے ساری قوت کرکے اس نوں بھی کم مشکل آہا اتوں لنگھن ترکے
Verse 9پھیر زمیں دے ہیٹھ سرے سن کنگریاں اسمانیدسن بند ہوئے دروازے نہ کوئی راہ نشانی
Verse 10صیف-ملوک قلعے ولّ ٹریا ذرا خوف نہ کھاندا مر جیؤ اوکھا سوکھا ہو کے کول قلعے دے جاندا
Verse 11اوہ اندر نوں وڑیا لوڑے کھولھ کویں دروازہ جسے جامے پاکی کیتی وضو کیتا مڑ تازہ
Verse 12اعظم اسم مبارک پڑھیا کفل اتارے در دے کر بسملا اندر وڑیا کردا سیر اندر دے
Verse 13ہر ہر چھپن-چھیتی تکے ہر ہر برج منارے ہر باہی دروازے کوٹھے تھاں تکیندا سارے
Verse 14ڈٹھیؤسُ سہن قلعے دے اندر بہت عجب ہک ماڑی نال جنت فردوس برابر خوب کاریگر چاڑھی
Verse 15جویں اسمان کھرے تے راتیں چمکن روشن تارے تویں اس بنگلے دے دسدے شیشے چمکن ہارے
Verse 16لئل جواہر موتی ہیرے جڑت جڑی چوپھیرے دنے چن وانگر دوروں لشکن روشن کرن ہنیرے
Verse 17شہزادے جد ڈٹھا دوروں بنگلا خوب سہایا دل نوں برکراری آئی اٹھِ اتے ولّ دھایا
Verse 18جا بنگلے دے در تے پہتا ویکھ تئزبّ رہا آکھے دوجا روئ-زمیں تے ڈٹھا نہیں اجیہا
Verse 19بہت بلند شماروں بنگلا امبر نال منارے خوب بلور عقیق گھرے دے اٹاں وٹے سارے
Verse 20گردے دا کجھ انت نہ آوے کی کجھ آکھ سناواں ہک بنگلے وچ دنگل-خانے وانگو شہر گراواں
Verse 21چھجا چھت بنیرا جھالر جڑ موتی فیروزی چونے بدلے چاندے کھنڈے وچ ہوئی زردوزی
Verse 22کندھیں اتے تاک سنہری بہت بلند بنائے لازوردی وانگ اسمانی نقش نگار سہائے
Verse 23رنگا رنگ اجائب بوٹے رنگاں نال سجائے پتے ہرے فیروزی کولوں چاندی ڈال لگائے
Verse 24سرخ عقیق ہیرے دیاں کنیاں لئل زمرد گھڑ کے رنگ برنگی پھلّ بنائے شاخاں اتے جڑ کے
Verse 25گوہر تابشدار گھرے دے گئے چوپھیرے بندے ہک ہک ٹکی دنہُ روشن دی ہک ہک چودھویں چن دے
Verse 26واہ نقاش کریگر بھارے کیتے نقش ہزاراں باغ بہاراں تے گلزاراں میوے رکھ قطاراں
Verse 27تتر مور چکور ہزاراں بھور لٹورے طوطے رنگارنگ پہاڑی پنکھی ویکھ رہے روح غوطے
Verse 28آدم جنّ پری دیاں لکھاں خوب شکل تصویراں تختاں تے شہزادے بیٹھے کرسی فرش امیراں
Verse 29بنگلے دے دروازے اگے بنے بازار چورستےہٹ بھرے کجھ گھٹّ نہ آہا لوڑ پوے جس وسطِ
Verse 30کھانے دانے چنگ چنگیرے چیز نیامت سچی برفی خستہ اتے جلیبی پیڑے حلوہ لچی
Verse 31برفی دانے خوب مکھانے بادشہانے کھانے تریہ پیاس جاندی پاسے ویکھ پتاسے دانے
Verse 32امرتیاں امرسے نلے ریوڑی اتے خجوراںوڑے کرارے بھلے پکوڑے پاپڑ اتے پنجوراں
Verse 33لڈو چاکی کرس کلیری مٹھیائی ہر جنسی تھوڑا کھانا بہت سناناں کون نکما گنسی
Verse 34امن امان دوکان بھرے سن نانوائیاں حلوائیاں آدم کول نہ دسدا ربا کس تلیاں تلوائیاں
Verse 35گوشت حلوے پھلکے چاول ہور اچار مربعےدالیں ساگ بھنے تے تڑکے جو چاہیئے سو لبھے
Verse 36گری بادام چھوہارے کھوپے ساؤگیاں سن مغزاں بھرے بازار انار منکے خستہ پستا مغزاں
Verse 37سطر رنگ طعام پکے سن پئے ہوئے وچ ہٹاں بہت نہ ٹھنڈے بہت نہ تتے نرم آہے جیوں پٹاں
Verse 38کھانے تکّ جی کرے دھننانے کھا لئیے من بھانے مغز چڑھے خوشبو اوہناں دی قوت پور پرانے
Verse 39شیشی نال پرتی شیشی بھریاں عطر گلابوں کئیں طرحاں دے شربت مٹھے ناہیں کمی شرابوں
Verse 40نرم لطیفَ گداز تے تازے کوئی نہ دسدا بیہا لگا پیا بازار شاہزادہ ویکھ تئزب رہا
Verse 41آدم زاد نہ کیڑا مکھی کاں نہیں کوئی کنا خبر نہیں ایہہ کیسی حکمت ہووے نہیں کوئی بنا
Verse 42کھانا ہک نہ دسدا بیہا سبھو تازے تازے بھرے رکاب کباب نروئے بہتے بے اندازے
Verse 43کھان پکاون والے ایتھوں کدھر مارے سارے متّ کوئی کھیل جناں دی ہووے شاہ دلیل گزارے
Verse 44کتنی مدت بھکھیاں گزری انّ نہ اکھیں ڈٹھا اج اس جائی نظری آیا کھانا ہر اک مٹھا
Verse 45متّ کوئی غیبی عالم ہووے مینوں نظر نہ آوے کھانے نوں ہتھ پاواں ایویں جانوں مار گواوے
Verse 46یار نہیں میں اکھیں ڈٹھا رکھاں آس ملن دی جنگل تے کوہ قاف لتاڑے وانگو کوہ شکن دی
Verse 47باجھ ملے مرجاواں اتھے رہگ افسوس گھنیرا یار سجن نوں خبر نہ ہووے کس کم آون میرا
Verse 48پھیر کہے دل تکڑا کرکے کی کریگا کوئی جو کجھ بھا میرے وچ لکھی اوڑک ہوسی سوئی
Verse 49لنگھ اگاہاں ہٹی اتوں اک رکاب اٹھایا طلب موافک پلے پایا ودھدا موڑ ٹکایا
Verse 50کر بسملا پائے لقمہ جو کجھ حد ادب دی کھا لیا جو خواہش آہی حمد گزاری ربّ دی
Verse 51ہو معمور بیٹھا شاہزادہ ذرا خوف نہ کھاندا اس ہشتاتی بنگلے سندا بوہا لوڑن جاندا
Verse 52لوڑ لدھا دروازہ اوڑک سنگل کنڈے جڑیا ہتھ اپڑایاں اپڑے ناہیں اپر جائے نہ چڑھیا
Verse 53قوت پیش نہ جاندی کوئی کرن لگا تدبیراں جندریاننوں مار اڈاواں جے چلاواں تیراں
Verse 54پھیر کہے متّ ویکھے کوئی خفا ہووے نکسانوں تولے فحش تے بولے مندا لگدا خوف جہانوں
Verse 55اوڑک ایہہ تدبیر بنائی کیتا راس کمانے اگلے سرے اتے چا بدھے تیر دلیر جوانے
Verse 56اچی کرکے جندرے تائیں تیروں کنجی پائی جندرا لاہ لیا شہزادے برکت اسم خدائی
Verse 57سنگل کنڈے لاہ شتابی کھولھ لیا دروازہ اگوں دھم پئی خشبوئی روح ہویا خوش تازہ
Verse 58جھلے بو سجن دے والی مٹھی واء پیاری جان جسے وچ قوت آئی لتھی سستی ساری
Verse 59جیوں کر واؤ سبا دی وگے ویکھن کھلیاں کلیاں دیئ مبارک منہ کھلائے کھڑ کھڑ ہسن کھلھیاں
Verse 60تویں صیف-ملوکے تانئیں واؤ چتّ کھلایا بسملا کر اس مکانوں پیر اگیرے پایا
Verse 61بنگلے وچ اگیرے ہویا نظر چوپھیرے مارے آدم ذات نہ نظریں آوے لگے محل چوبارے
Verse 62پھر پھر تھکا آپے یکا کوئی نہ پوندا تکا نہ گھر والا تے نہ پاہرو نہ کوئی چور اچکا
Verse 63بیٹھ اڈیکے متّ کوئی آوے پھیر تکے ہر پاسے کدھرے کوئی نہ نظریں آوے لگے محل چوپاسے
Verse 64بہت اچرج تئجب ہویا آکھے ایہہ کی بھانا ایہہ قلعہ ایہہ بنگلا ایسا کوئی ناں وچ تھانا
Verse 65کنجے کوچے جائ ٹکانے سچے مثل کٹورے سجرے بستر مجلس خانے دسدے کور نکورے
Verse 66اوہ کوہ قاف اجاڑاں براں اوہ قلعہ اوہ جائیں ہک اکلا ویکھ نہ ڈردا آدم باجھ سرائیں
Verse 67دل وچ فکر تمیزاں کرکے لوڑے سرا اس گلّ دا ہر ماڑی ہر بنگلا ویکھے سیر کرے ہر ولّ دا
Verse 68تیر کمان ٹکا شہزادے دھرو پھڑیا ہتھ کنا بنگلے اندر بنگلا جہڑا اس نوں ویکھن بھنا
Verse 69پڑھ کے اسم مبارک ربّ دا جا اندر وچ وڑیا بہت اجائب حد شماروں بنگلا نظریں چڑھیا
Verse 70بہت صفائی تے رشنائی بہتا سوہنا سندر لئل جواہر روئے-زمیں دے سبھ پئے اس اندر
Verse 71فرش صفائی شیشے نالوں کندھاں تے خود شیشے سوہنی صورتَ نقش بنائے حسن کمال بے-ریشے
Verse 72شیش محل سنہری سارا چھت بدھا سبھ پشماں جت ولّ تکے پیا چمکدا جیوں سورج دیاں رشماں
Verse 73وچ اس دے ہک تخت سنہری لئل جواہر جڑیا پر کوئی شاہ امیر نہ اوتھے لگا اوہ بھی اڑیا
Verse 74پنجریاں وچ پنکھی ٹنگے بنگلے وچ چوپھیرےپنجرے جڑت جڑاؤ جواہروں آہے گھنے گھنیرے
Verse 75بلبل کھرسو طوطے مینا کمری گھگی بھائی کونجاں مور لٹورے کوئل انت نہ آہا کائی
Verse 76بولن خوش آواز تمامی رنگ رنگاں دی بولی ہکناں کوک اچیری آہی ہکناں دی گلّ ہولی
Verse 77بلبل کرکے یاد بہاراں بولے سخن ہزاراں قید ہویاں وچ پنجر پکاراں کد ملاں گلزاراں
Verse 78باغ-ارم وچ پھلّ گلاباں ہوسی نویں جوانی جے ربّ قید پنجر دیؤں کڈھے چل ملیئے دل جانی
Verse 79کھرسو آکھے باغ-ارم دی کھیتی ہری ہوئےگی شاخ فراخ وساکھ مہینے پھلیں بھری ہوئےگی
Verse 80اج کل کنڈے نرم ہوونگے پتر لوے سمن دے جے ربّ سانوں بندوں کڈھے کریئے سیر چمن دے
Verse 81طوطے آکھن پکے ہوسن میوے باغ-ارم دے ہائے ہائے ربا پائیو سانوں پنجریاں وچ جمّ-دے
Verse 82امب انار مزے وچ ہوسن آن پئی رس مٹھی دانے کڈھ اناروں کھاندے جے ربّ کردا چٹھی
Verse 83کمری کوُ کوُ کوک پکارن ؤ کوُ ؤ کوُ مائی باغ-ارم دیاں سروآں اتے ہندے اسیں گھمائے
Verse 84نال خوشی دے سیر کریندے ہر بوٹے ہر ڈالی راگ سہاگ چمن دے گائیے بھاگ جگائے والی
Verse 85مینا آکھے میں نہ جمدی ماؤ دے گھر تتی رجّ نہ کیتا سیر چمن دا آن پنجر وچ گھتی
Verse 86چوہ چوہ کردا اج ہوئےگا مکھ لالی تھیں لالا بھائِ اساڈے پائیو ای سائیاں داغ وچھوڑے والا
Verse 87گھگی آکھے کوہ گئی مینوں کیسی چھری امر دی یوسف کھوہ پیا نہیں دسیا طوق پیا ہن مردی
Verse 88رتّ بہار تیار چمن وچ یار ہوسی سنگ سینا میں بھی بولاں جے اج ہوواں چاننیاں وچ ریناں
Verse 89کونجاں بولن سدّ غماں دی اسیں نیکاں بلمائیاں بچے چھوڑ آئیاں ہن ایتھے پنجر وچ پھسائیاں
Verse 90جے اج دیس اپنے وچ ہوئیے اڈیئے بنھ قطاراں باغ-ارم ولّ پھیرا پائیے رل کے نال اڈاراں
Verse 91مورے نوں ہڈکورے لگے اڈ اڈ کردا گلاں باغ-ارم دے بوٹے ہوسن گھنے ہوئے جیوں جھلاں
Verse 92پریاں خوب پشاکاں لاسن جے میں اوتھے ہوندا پائل پاندا من پر چاندا خوشی دے ہنجھو روندا
Verse 93کہن لٹورے مولٰی ٹورے بندی اسیں بیچارےاڈن ہارے باغ کنارے خوشیاں دے ونجارے
Verse 94باغ-ارم وچ رونق ہوسی دھرتی دھوڑ غباروں ہر خانے وچ خوب صفائی ویہڑے بھرے بہاروں
Verse 95کوئل بول کہے اج ہندی میں بھی کول چمن دے سبزہ ویکھ ہندا دل تازہ بول سناندی من دے
Verse 96ڈاہڈھے ربّ وچھوڑا پایا کدے اسانوں میلے باغ بہاراں صحبت یاراں کرے نصیب ہر ویلے
Verse 97خوش آواز پنکھیرو بہتے ہور بغیر ایہناں دے پنجریاں وچ ٹنگے آہے نہ پچھ نام تنھاں دے
Verse 98آپو اپنی نال ادائے سبھو کرن پکاراں ربا قیدوں دیئیں خلاصی یار ملائیں یاراں
Verse 99اشیں پرندے وچ ہوائیں اڈن والے ہیساں آپو آپنیاں رنگاں والے خوب اجالے ہیساں
Verse 100جتھے بھاوے اوتھے جانا اچی سچی جائیں ایتھوں اٹھنا اوتھے بہنا کرنا سیر ہوائیں
Verse 101پنجریاں وچ پئے تڑفدے جائ نہیں مکلیریپر بھجے سر گنجے ہوئے ظالم قید لمیری
Verse 102کالے تتر کاہلے ہوئے کرن اچیاں فریاداں سچ سبحان تیری ہے قدرت کرنا قید آزاداں
Verse 103قید ہویاں چا کریں خلاصی ایہہ بھی ہے کم تیرا آپ وچھوڑیں آپ ملائیں تکیہ ہردم تیرا
Verse 104پنکھی روح تے پنجرہ جسا بنگلا دنیاں خانا باغ بہشت تے روح شاہزادہ یار لکائ یگانہ
Verse 105پنکھی ویکھ شہزادے تائیں مٹھیآں نال زباناں سارے بہت خوشی کر بولے پھریا نیک زمانہ
Verse 106گھلیا ربّ موکل ساڈے بند اتارن والا اس بن بندہ ہور نہ آہا دشمن مارن والا
Verse 107جانوراں دے خوش آوازے صیف-ملوک سنیندا پیراں ہیٹھ جواہر رلدے ناہا مول چنیندا
Verse 108بنگلے اندر کرے نگاہاں ہر ہر گوشے جائے متّ کوئی سر ایہدے وچ ہووے دس سجن دی پائے
Verse 109بنگلا سارا فرقے ڈٹھا صیف-ملوک نہ ڈریا لئل جواہر مانک ہیرے سونے موتی بھریا
Verse 110پھردے پھردے نظریں آیا بوہا ہور ہک گھر دا اس خانے ولّ ہویا روانہ نظر اگوں کی کردا
Verse 111بوہے سنگل کنڈا جڑیا جندریاں سنگ کڑیا سنگل کنڈے کفل سنہری موتی ہیرے جڑیا
Verse 112دو کلا دے شیر وڈیرے رستہ مل کھلوتےمچلے شیر خنامی دسن نال لہو مکھ دھوتے
Verse 113ویکھن سئات شہزادے اتے حملے کر کر آون پر اس دے گل پیندے ناہیں پاسوں پئے ڈراون
Verse 114صیف-ملوک شیراں پر بھارا جیوں چوہیاں تے بلی دوجا اتوں پٹھّ عشقَ دی خوب طرحاں دی ملی
Verse 115عاشق موتوں ذرا نہ ڈردا جان تلی پر دھردا جے اوہ ڈرنے والا ہندا پچھے کدھرے مردا
Verse 116گلّ فرشتے والی اس نوں آہی یاد بھلیرییار ملے بن مرنا ناہیں پکی رکھ دلیری
Verse 117نالے آس اس گلّ دی آہی جو ہاتف فرمائی جھب وسیلہ ملسی تینوں دس سجن دی پائی
Verse 118شیر دلیر شاہزادہ تکّ کے نیڑے مول نہ آون اسے پہلے پھیرے اتوں گھڑی گھڑی مڑ جاون
Verse 119صیف-ملوک ڈٹھے ہک رتی پیر نہ اگے پاندے ایسے ہکسے جائیوں مڑدے ہن ایہہ بنے کلاں دے
Verse 120اعظم اسم مبارک پڑھیا شیر ہوئے ڈھیہہ ڈھیری پھر پڑھ جندریاں ولّ ڈٹھا لتھے ہکسے ویری
Verse 121شیر جوان دلیر شاہزادہ ذرا دیر نہ لاندا لنگھ گیا اس گھر دے اندر ہرگز خوف نہ کھاندا
Verse 122جس کوہ قاف سمندر ٹاپو بر اجاڑاں بیلے نال دلیری ربّ دی ڈھیری گاہے اک اکیلے
Verse 123جو دلبر دی لوڑے چڑھیا جے اوہ عاشق پکا دہشت خوف نہ رہندا اس نوں نہ اوہ ٹردا تھکا
Verse 124جاں اس گھر وچ گیا شاہزادہ ڈٹھوسُ تخت سنہری چوہیں پاویں شیر سنہری بیٹھے لا کچہری
Verse 125تخت سنہری لئل جواہر جڑت جڑی چوپھیرےہیرے پنے ہار ہمیلاں گلّ پائیاں ہر شیرے
Verse 126ہر شیرے دی ڈولے بدھے کاریگر دے ڈولے چوکی تے تعویز جواہر ہیرے دے سن جھولے
Verse 127کناں اندر والے سجے سچے موتی والے بنے نال سنہری کنگن دمب مرسء نالے
Verse 128تخت اتے کوئی ستا ہویا چادر چٹی تانی سر پیراں تکّ کتوں نہ ننگا پر دسدا کوئی ہانی
Verse 129عاشق دی تکّ ہور دلیری کردا کی جند بازی ایسی جائے خوف نہ کھاندا کردا دست درازی
Verse 130دست درازی کی میں آکھاں چادر پلہ چائیوسُمتّ کوئی غیر دلیل لیاؤ دیہی ہتھ نہ لائیوسُ
Point at or tap a word to see its meaning. With a keyboard, Tab reaches the words and the arrow keys move between them.