Bhai Vir Singh · Nazm

مٹک ہلارے

Matak Hulare

Bhai Vir Singh · 1872 – 1957 · Book · 59 parts · 1922

Start readingSource and notes

1

مٹھے تاں لگدے مینوںپھلاں دے ہلارے،جان میری پرکسدی !

بھاگ پہلا: رس رنگ چھوہ

2

ہے اننت ! اک 'چھوہ تہاڈی' نوںدل منگدا نہں رجدا،'چھوہ تہاڈی' دا قہر وچھوڑاسیلے وانگو وجدا،

چشمیں نوں جیوں 'چھوہ غیب' دیملی، پیا نت کھیڈے،'چھوہ اپنی' دی گود کھڈا تؤں-ماں نوں ایہہ کچھ پھبدا ۔

3

تیرا تھاؤں کسے ندی دے کنارےتیرا تھاؤں کسے جنگل بیلے،تیرے بھاگاں وچ عرشاں تے اڈناتے گاندیاں پھرن اکیلے،

تیرا جیون صیغہ تیرے ہی جوگاتوں آپے 'آپے' نال کھیلیں،توں کویں رولیاں وچ آ کھلوتیتیرے چار چپھیرے جھمیلے ۔

4

چڑھ چکّ تے چکّ گھمانیاں،مہینوال توں صدقے (پئی) جانیاں،میں تاں بدلاں نوں فرش بنانیاں،اتے ناچ رنگیلڑے پانیاں،

باجی بجلی دے نال لگانیاں،کھڑ کھڑ ہسنیاں اونوں شرمانیاں،تارے کیساں دے وچ گندانیاں،چند متھے تے چا لٹکانیاں،

نیلے عرشاں تے ٹھمکدی جانیاں،مینہہ کرناں دا پئی وسانیاں،'جند-کنیاں' دی لٹّ لٹانیاں،'عرشی-پینگھ' کمان بنانیاں،

رنگ روپ دے تیر وسانیاں،نور اکھیاں وچ سمانیاں،نورو نور ہوندڑی جانیاں،نور نوریاں نوں پئی لانیاں ۔

5

عرشی 'چھوہ' تیری دے سوالیاسیں در تیرے تے آئے،ڈردے ڈردے، کمبدے کمبدے،اساں گن گن قدم رکھائے،

ایپر نور چمکدا متھااساں جدوں تدھے دا ڈٹھا،چھوہ بخشن دا شوق تساں وچسانوں ڈلھدا نظریں آئے ۔

6

'اسیں سکدے، تسیں سکدے ناہیں'اساں ایہہ گل سی صحیح کیتی،-اک دن سکدیاں لڑ تیرے دیاساں چھوہ جو پراپت کیتی :

'سکن ساڈا سی کھچّ تساڈی'سانوں ایہہ گل نظریں آئی،-تسیں چمبک شہہ کھچاں والےتساں سکّ اساں دل سیتی ۔

7

پنیاں نوں شہہ ساگر اچھلےتانگھ عرش دی کردا،دور وسیندے سوہنے ولےامل امل جی بھردا

جیوں جیوں پر اس لگے چاندنیتؤں تؤں کی اوہ دیکھے ؟پریتم دا دل پریم ترنگیںدان اچھالے کردا ۔

8

سکدا سکدا وچھا چھٹیادھا امی ول آیا ۔امیں اس توں ودھ پیارےترٹھ ترٹھ لاڈ لڈایا ۔

سکدی ندی جال جپھراںجد شہہ ساگر پہنچیاس توں ودھ پیار وچ پریتمملن اگاہاں دھایا ۔

9

(سجن دے ہتھ لگی ہوئی)

آپے نی اج رات سجن نےسانوں پھڑ گھٹ رکھیا،'وصل ماہی دا، مہر ماہی دی'اج اساں نے لکھیا،-

جندڑی ساڈی انگ سما لئیویکھ ویکھ خوش ہووے:کیوں سہیو ! کوئی سواد سجن نےچھوہ ساڈی دا بی چکھیا ؟

10

نیناں دے وچ روں ن سکھاوے،اسیں نیناں واس وسائے،تسیں سکھائے ساتھوں بہتے-'اکھ-پتلی' نے انک سمائے ؟

تسیں اڈار ٹک بہو ن پتلی،جیوں پنچھی آلھنیوں اڈے :-نیناں نے اسیں مگر تساڈےہن ڈھونڈن باہر گھلائے ۔

11

منہ اڈی عرشاں ول تکیئے(اک) بوند ن کوئی پاوے،جدوں اساں وچ آ گیا کوئیآ اوہ چھہبر لاوے،-تدوں اسیں ہو داتے وسیئےٹھنڈھ سہاواں والے،-کدھروں، کون، کدوں، دس سکھیئے !کت گن اوہ کوئی آوے ؟

12

تساں توڑیا اسیں ٹٹ پئےوچھڑ گئے ساں ڈالوں،تساں سنگھ سینے لا سٹیاوچھڑ گئے تساں نالوں،پیراں ہیٹھ لتاڑ لنگھاؤاںکیتا کھمبھڑی کھمبھڑی،پر شکرانہ 'چھوہ تہاڈی' دااجے ن بھلدا سانوں ۔

13

تساں چھیڑیا، اسیں چھڑ پئےبین جویں سر ہوئی،چھوڑیا تساں اساں چپ کیتیگنگا ہو جیوں کوئی :-ہتھ تساڈے جادو وسدا،چھہیاں جیؤ جیؤ پئیے :-'شالہ ! کدے وچھوڑ ن سانوں'،نت نت ایہہ عرضوئی !

14

ارتھات اوہ 'اچ سندرتا دی پرتیتی' جسدےآویش وچ کوی توں اچّ کاوی پرکاشدا ہے ۔

کویتا دی سندرتائی اچے نچھتریں وسدی،اپنے سنگیت لہرے اپنے پرکاش لسدیاک شام نوں اے اوتھوں ہیٹھاں پلمدی آئی،رس رنگ نال کمبدی سنگیت تھرتھرائی،-جیوں تریل تار پروتی جیوں آب موتیاں دینظراں دی تار پروتی نازک، سبک سہائی،کومل گلے دی سر جیوں جھنکار ساز دی جیوںجھرناٹ روپ والی تارے ڈلھک جیوں چھائی ۔جیوں مینڈ تھرکے کھچیاں کھچ کھا میں روح جو کمبی،حسناں دے رنگ لہرے رس جھوم اک جھمائی،پنچھی اڈار وانگو آپے دے کھنبھ پھڑکےاک صرور سر نوں آیا اک تار سر جھمائی ۔پچھیا اساں: 'ہے سوہنی توں آپ سندرتا ہیں،ہیرے جواہر وانگو ٹکدی ہیں کیوں توں ناہیں ؟پربت کھڑے سہاوے جھیلاں تے بن سمندرکایم ایہناں دی شوبھا دایم رہے ہے چھائی ۔'بولی او تھرراندی لرزے وجود والی :-'بجلی دی کوند دس توں ٹکدی کویں ٹکائی ؟لس دیکے کرن سورج لرزے دے دیش جاوے،سر راگ دی تھراندی کسنے ہے بنھ بہائی ؟الکا اکاش لشکے چمکار مار کھسکےجسا دھنکھ اکاشی کسنے ٹکا لیا ای ؟چندوں رشم جو تلکے تاریوں جو ڈلھک پلمیںدے کے مٹکا کھسکے ٹکدی نظر ن آئی ؟چاترک دی پیار چتون کوئل دی کوک کہنیگمکار دے نساوے،- قابو کدوں ہے آئی ؟لرزا وطن جنہاں دا لرزا وجود اوہناں داچکر اننت اٹکویں اوہناں دی چال پائی،وتھاں امنویاں وچ سر چیردے تھراندےجاندے اننت چالیں چمکاں دے ہن او سائیں ۔چمکار رنگ دینا، رس جھوم وچ جھماناں،اک جند-چھوہد لانی اٹکن نہیں کتھائیں ۔لرزا وطن جنہاں دا لرزا وجود اوہناں داریکھا اننت اٹکویں 'لرزے' دے متھے پائی !'

15

'غیر ہتھ نے کیوں ایہہ سہراہائِ، آن مرے گل پایا ؟'چھوہ غیری' جیوں وس فنیئر دی،اس اگّ بھبوکا لایا ۔کرمو وے ! ایہہ توڑاں سہرااتے بھٹھی دے وچ پھوکاں،چھوہ اترے من ٹھؤرے آوے :رہے سجن نین سمایا !

16

مینہہ پے ہٹیاں تار نال اکتپکا سی لٹکندا،ڈگدا جاپے پر ن ڈگےپچھیاں روئِ سنندا :'عرشاں توں لکھاں ہی ساتھیکٹھے ہو ساں آئے،'کت ول لوپ یار او ہوئےمیں لا نیجھ تکندا ۔'

17

کھڑے پھلّ نوں دھیانی سی اکدھیان نال پیا بھردا،اساں پچھیا، "جڑے مناں ! توں،کیوں پیا اسطے مردا ؟"کہن لگا : "میں سننیاں چاہاںاس دے دل دیاں گلاں،اس لئی اس نوں جیبھ لان داجتن پیا ہاں کردا ۔"

یوگی دھیان دھریندا ہٹاپر پھلّ جیبھ ن پائی،'جیبھ-چپّ' تاں بول رہی سیجوگی نوں ن دسائی ۔کوک کوک سوہنا پیا آکھے :"تن من میرا کھیڑا،کھڑن کھڑاون باجھوں سانوں،ہور سرت نہں کائی ۔"

18

پھل گلاب توں کسے پچھیا:'اوے کوملتا دے سائیں !اس سہنپ، اس سہل سہج نوںہے کیوں کنڈیاں بج لائی ؟'مست الستی سر وچ سوہنےہس کیہا: 'خبر نہیں مینوں،-توڑ نہیں- دی پھٹی بھاویںمیرے مولٰی نے لکھ لائی ۔'

19

اسیں شکارے ہو گئے تیرے(پر) بن چپے بن ہانجھیکوئی ٹھؤر ن تھتا ساڈا'میں' توں 'میں' گئی واننجی،ویگ واؤ دے لئی پھر رہےایدھر، اودھر گبھےپر 'رسداتی چھوہ' تہاڈی دےرسیے ہو گئے ہاں جی ۔

20

سپنے وچ تسیں ملے اسانوںاساں دھا گلوکڑی پائینرا نور تسیں ہتھ ن آئےساڈی کمبدی رہی کلائی،

دھا چرناں تے شیش نوایاساڈے متھے چھوہ ن پائی،تسیں اچے اسیں نیویں ساںساڈی پیش ن گئیا کائی،

پھر لڑ پھڑنے نوں اٹھ دؤڑےپر لڑ اوہ 'بجلی لہرا'اڈدا جاندا، پر اوہ اپنیچھوہ سانوں گیا لائی:مٹی چمک پئی ایہہ موئیتے تسیں لوناں وچ لشکے،-بجلی کوند گئی تھرراندیہن چکاچوندھ ہے چھائی ۔بھاگ دوجا: پتھر کمبنیاں

بھاگ دوجا: پتھر کمبنیاں

21

اوانتیپرا کی رہِ گیا باقیدو مندراں دے ڈھیر،بیت چکی سبھیتا دے کھنڈردسدے سمیں دے پھیر،ساکھی بھر رہے اوس اکھ دیجس وچ موتیابندہنر پچھانن ولوں چھایاگن دی رہی ن جند ۔'جوش مذہب' تے 'قدر-ہنر' دیرہی ن ٹھیک تمیز،راضی کردے ہوراں تائیںآپوں بنے مریض ۔بت پوجا ؟ 'بت' پھیر ہو پئے'ہنر' ن پرتیا ہائِ !مر مر کے 'بت' پھیر اگم پئےگن نوں کون جوائ ؟

22

مار پئی جد مارتنڈ نوںپتھر رو کرلانے :-'پتھر توڑیں ؟ دل پئے ٹٹدے !-دل کعبہ ربانے-لائں ہتھوڑا سانوں ؟ پر تک !-سٹّ پئے "ربّ-گھرب" نوںگھٹ گھٹ دے وچ وسدا جہڑا !-توں کنوں ربّ سننجانے ؟'

23

مارتنڈ نوں مار پیاں'ہوئی مدت' کہندی لوئی،پر کمبنی پتھراں وچ ہن تکسانوں سی صحیح ہوئی:'ہائِ ہنر تے ہائِ ودیاہائِ دیش دی حالت !ہائِ ہند پھل پھاڑیاں والے !'ہر شل کہندی روئی ۔بھاگ تیجا: کشمیر نظارے

بھاگ تیجا: کشمیر نظارے

24

جس کنکے بند ہوئیاں تیریاںروشن چشماں رہیاں،جس کنکے ہو بڈھی ٹھیریرہی جوانی چڑھیاں،جس کنکے پربھ جی کھچ لیتےسدھاسروں چلِ آئے،-اس 'اننت کنکے' دی چہیےاج کچھ ونڈ ونڈئیاں ۔

25

عرشاں دے وچ 'قدرت دیوی'سانوں 'نظریں' آئی،'حسن-منڈل' وچ کھڑی کھیڈدیخوشیاں چھہبر لائی ۔

دوڑی نے اک مٹھ بھر لیتیاس وچ کی کی آیا :-پربت، ٹبے اتے کریوےوچ میدان سہایا،

چشمے، نالے، ندیاں، جھیلاںنکے جویں سمندر،ٹھنڈھیاں چھاواں، مٹھیآں ہواواں،بن باغاں جہے سندر،

برفاں، مینہہ، دھپاں تے بدلرتاں میوے پیارے،عرشی نال نظارے آئےاس مٹھی وچ سارے ۔

سوہنی نے اسمان کھڑوکےدھرتی ولّ تکا کے،ایہہ مٹھی کھہلی تے سٹیاسبھ کجھ ہیٹھ تکا کے ۔

جس تھاویں دھرتی تے آکےایہہ مٹھ ڈگی ساری-اوس تھاؤں 'کشمیر' بن گیاٹکڑی جگ توں نیاری ۔

ہے دھرتی پر 'چھوہ اسمانی'سندرتا وچ لشکے،دھرتی دے رس، سواد، نظارے،'رمز عرش' دی کسکے ۔

26

نیویں لکویں تھائیںقدرت باغ لگایا،اتے پانی پائِاپنی ولوں کجیا،پردہ پانی پاڑ-سندرتا ن لک سکی،-روپ سوایا چاڑھنکھر سنور سر کڈھیا،تختہ پانی صافوچھیا ہویا جاپدا،پریاں جیوں کوہ قافکولاں دا وچ ناچ ہے ۔

27

جیوں ماواں تؤں ٹھنڈھیاں چھاواںاساں تدھے دیاں ڈٹھیاں،ٹھنڈھی پیاری گود تدھے دیچھاواں مٹھیاں مٹھیاں ۔ماں نوں اپنا بال پیاراتینوں سبھ کئی پیارا،جو آوے اس لاڈ لڈاویںٹھاریں جندیاں لٹھیاں ۔

28

جوگی کھڑے چنار، شانتی وس رہی،نہر وہے وچکار برتی پرواہ جیوں ۔ہریا بھریا ونّ مخمل گھاہ دا،چھائ سہج دا رنگ شانتِ ایکانت ہے ۔پھر آئی آبشار پانی ڈھیہہ پیاالاپ سنگیت اچار من نوں موہ رہا؛رنگ بلوری ونّ ڈگدے دا لسے،پھر کجھ قدماں لنگھ ہیٹھاں جانودا،-وچ پھہاریاں جائ اپر آنوداکلا-بعضیاں لائِ اچھلے کھیڈدا؛لاوے ڈاڈھا زور پہل اچان نوںپہنچاں مار اچھال پر 'کھچ' روکدی ۔اچا جاندا 'کھچّ' پھر لے ڈیگدی،اچھل گرن دا ناچ ہیوے ہو رہا ۔وچّ وچال عجیب باراں-دریاں ہے،شام رنگ دا سنگ جستوں بنی ہے ۔اس دے چار چپھیر پانی کھیڈدا؛اٹھن ڈگن دا ناچ نالے راگ ہے،مانوں ساون مینہہ ہیوے پے رہا ۔او اسمانوں ڈگّ ہیٹھاں آنودا،ایہہ ہیٹھوں راہ پاڑ اچھل وسدا ۔اس دی دھنِ سنگیت چمک سہاونی،بیٹھیاں اس وچکار جھوٹے دینودی،قدرت مانوں آپ نچ رہی ناچ ہے ۔ایہہ رنگ راگ اپار دس کے نیر جی،پھر اگے نوں جائ ہیٹھاں تلکدے ۔

29

وچ ہنیرے گھوپ رکھیا،پربت بھار دبایا،پھر بی ورجیا رہا ن سوہناچیر پتھراں آیا،امل امل پوے ملن نوں :-ملیاں دیئ حیاتی :بے پرواہ لٹاوے آپا،لٹِ لٹِ، بھر بھر آیا ۔

30

چھمبھ ہارون لہہ لہہ کرداپربت کچھڑ چایا،-کیہ توں سچ مچ پانی ہیںیا نیناں دی اک مایہ ؟یا کہ فرش زمرد اتےنیر بلوری آیا ؟یا اک جھنڈ سبز پریاں داوچ اسماناں چھایا،-نیر بلوری اوہناں سمجھیاشیشہ کسے وچھایا،جوبن اپنا انمڈ انمڈ وچاس دے چہن تکایا،-پرتو سبز اوہناں دا اس وچدیندا ساوی چھایا ؟یا پنے نے پنگھر کھادھیبرف وانگ ڈھل آیا ؟پنہ ہو پانی ہے بھریاپلٹ اپنی کانیا ؟یا پرچھاواں ہرے رنگ داپینگھ اکاشی پایا ؟یا 'ہریاول قدرت' نے اکتیں وچ راز چھپایا،جی جنت نوں ہرے کرن داایہہ ہے اک کنایا ؟بھاویں کچھ ہے نیر ہارونجد توں نظریں آیا،دھا صرور اکھاں وچ وڑیاآپا جھوم جھمایا ۔

31

ڈل دے سر سرتاجکھڑا نشاط توں،پربت گودی وچّتوں ہیں لیٹیا ۔ٹلے پہرے-داررےپچھے کھڑے ہن،اگے ہے دربارڈل دا وچھیا ۔سجے کھبے راہسپھیدے ویڑھیا،دسدی کھڑی سپاہجیوں چبدار ہن ۔

32

صدیاں دے ہے بڈھے بابے !کتنے گود کھڈائے ؟کتنے آئے چھاویں بیٹھے ؟کتنے پور لنگھائے ؟

33

نرمل تیرا رنگناؤں اننت ہے،غیبوں نکلیوں آئِوہندا سدا توں،نرملتا دا داندیویں ٹھنڈھیاں،'اننت' کارویں یادانتاں والیاں ۔

34

-اننت ناگ کول-

"گندھک دے چشمیں ! دسّ ہیٹھوںتوں کیوں باہر آیا ؟"وٹّ تیؤڑی چشماں آکھے :"ترس میرے دل پایا،بھلیاں نے ہن روگ سہیڑےمیں چا لاواں دارو،'اننت رحم' پتتاں بی اتےترٹھدا دھر توں آیا ۔"

35

اچھابل جد ناد ترا آپہلا کنیں پیندا،بھر صرور سر وچ اک جانداجھوم الٰہی لیندا،-ہیرے ورگی چمک نیر دیاکھاں نوں مستاندی؛بیخدیاں دا جھوٹا آوےچڑھیا ہلارا رہندا ۔

36

پربت گودوں نیر نکلیا کھیڈدا،چمکے وانگ بلور جاندا دوڑدا،وچ پھہاریاں ہوئِ چھہبر لانودا،نہراں دے وچکار جاندا گانودا،بوٹیاں پھلاں نال کردا پیار ہے ۔الٹ-بعضیاں لائِ سوہنے جھرنیوںاچھلے باغوں باہر ڈگدا گاؤندا :کردا نہیں آرام تریا جا رہا ۔

پنچھی کئی کلول ایتھے کر گئے،شاہن-شاہن امیر بولیاں پا گئے،کنگلے کئی غریب سکھ آ لے گئے،نہ ٹکیا اے نیر آیا ٹر گیا،نہ ٹکیا ترے تیر کوئِ بھ آئکے ۔پلک جھلک دے میل دنیاں ہو رہے،کھیل اکھاڑا ایہہ کوچ مقام ہے،چلن دی ایہہ تھاؤں پل بھر اٹکنا ۔چلو چلی دی سدّ ہیوے آ رہی،جھلکے سوہنے نینئ دیندی جا رہی ۔

37

-کسے سندری دے ہتھ لاؤن تے-

تیرے جہیاں کئی ویر آہتھ اسانوں لائے،پیار لین نوں جی کر آوےاچھال کلیجہ کھائے،-پر اوہ پیار سواد ن وسداہور کسے ہتھ اندر،نور جہاں ! جو چھوہ تیری نےسانوں لاڈ لڈائے ۔

38

پرشن-

سنجھ ہوئی پرچھاویں چھپ گئےکیوں اچھابل توں جاری ؟نیں سرود کر رہی اویں ہیتے ٹرنوں وی نہں ہاری،سیلانی تے پنچھی مالیہن سبھ آرام وچ آئے،سہم سوادلا چھا رہا سارےتے قدرت ٹک گئی ساری ۔

چشمے دا اتر-

سینے کھچّ جنہاں نے کھادھیاوہ کر آرام نہیں بہندے ۔نہں والے نیناں کی نیندراوہ دنے رات پئے وہندے ۔اکو لگن لگی لئی جاندیہے ٹور اننت اوہناں دی،-وسلوں ارے مقام ن کوئی،سو چال پئے نت رہندے ۔

39

لٹبؤرا پربت دے ککھوںتوں کھیڈندڑا آیا،وانگ بلور چمکدا سیتلنیر چمکدا لیایا،گیٹیاں نال کھیڈدا نچدابوٹیاں دے گل لگدا،مٹھا ناد کریندا جاندارو جدھر دا آیا ۔

40

ویری ناگ ! تیرا پہلا جھلکاجد اکھیاں وچ وجدا،قدرت دے قادر دا جلوالے لیندا اک سجدہ،رنگ فیروزی، جھلک بلوری،ڈلھک موتیاں والیروح وچ آ آ جذب ہوئِجی ویکھ ویکھ نہیں رجدا ۔

نہ کئی ناد سرود سنیوےپھر 'سنگیت-رسگیت' چھایا؛چپّ چان پر روپ ترے وچکویتا رنگ جمایا،سرد سرد پر چھہیاں تینوںروح صرور وچ آوے،گہر گمبھیر اڈول سہاوے !تیں کیہا جوگ کمایا ؟

41

-عمارتاں تے باغ-

ویری ناگ فیروزی تھیواجہانگیر جڑوایا،پکا حوض محراباں دوالےدیکے سہج ودھایا ۔سبھ توں پیارا تھاؤں جگت وچدل اوہدے نوں لگا،-دل توں پیاری نور جہاں دیایہہ بھی بھیٹ چڑھایا ۔باراں دریاں، محل ماڑیاںحوض کنارے بنیاں،سبھ ڈھیہہ ڈھیری ہوئیاں، گمیاںکچھ اگ لگکے سڑیاں،-باغ سہاوا پاتشاہ دامیوے ہے پیا ویچے،جھرنے، باراں دریاں سبھ دیاںسماں توڑ رہا تنیاں ۔

42

پہن شنگار سادگی والامٹی وچوں سریا،کچا تال تے گھاہ ادالےنرمل پانی جھریا،-جنم ستھان کہن جہلم داتوں ویدستھاں سوما،موہ لیا تیری نمرت نے،تیری ماؤں ویکھ جی ٹھریا ۔

43

بسمل مارتنڈ دے کنڈھےناد وجاندا آیا،چھوہ قدماں دی جند پاونیڈلھدی نال لیایا،جاگ پئے پتھر او موئےرل گئے پانی جیوے،نواں جنم دے 'مٹن صاحب' کراجل تھیہ وسایا،-سہنیاں دے سلطان گوروجن نانک نام سدایا،'برہم داس' پنڈت نوں ایتھےعرشی نور دکھیا،چشم 'کمالے' دی چا کھہلیقدرت-وسیا دسیا،تال وچالے تھڑا بنیاگر بیٹھ سندیس سنایا ۔ایوں کشمیر جواکے سوہناجا کیلاش نوں چڑھیا،پر کشمیر آپ ہی مڑکےوچّ تباہی وڑیا ۔سنگھ رنجیت مرد دا چیلادیکھو بکدا آیا،مڑ کشمیر جوائی بسملمٹن صاحب رنگ کھڑیا،دھرم سال-چھیمسال باراندریاںتھڑا وچال پھبایا،جس تے بیٹھ 'برہم' دا مودھاستگور قول کھڑایا ۔'نانک-چھہک' دا سنگ اجے تکبغداد سامبھکے رکھیا،'نانک-چھہک' دا تھڑا بنگلاکشمیر نے بھنّ گوایا ۔

44

سدا ستیاں برفاں کدھروںہیٹھاں ڈھل ڈھل آئیاں،سنگ یشب یا ہول-دلیاں،پانی بن بن دھائیاں،-ٹھنڈھیاں ٹھار وگن اے دھاراںکئی کئی ہو اک ہوون،ناد کرن، سر چھڑے کھرنویمستیاں جھوم جھمائیاں ۔

45

وکھیاں چھاتیاں ہے پربت جی !تیریاں پھر پھر ڈٹھیاں،چیڑھاں چشمیں جدھر جاؤتربھک تکیندیاں اکھیاں،ایوں جاپے جیوں واج الٰہیگر نانک دی آوے؛نال ایالی گوشٹ کردےندراں پا پا مٹھاں ۔

46

-اکٹوبر وچ-

پہلگام وڑدیاں ایوں جاپےوسوں دی حد چکی،'کلّ ولایت شروع ہو گئیرونق دی حد مکی،محفل چپّ، راغ شاں شاں دےسہج نرجنی چھایا،پھبن قدرتی ٹمب جگاوے:-"قدرت-رسدرت چکھ بکیں" ۔

47

پنڈتانی کشمیر'ستکار-لویکار' دس آنودی،عزت دار امیرپہراوا اس سوہناوری حیا دے نالسندرتا اس فب رہی،پھردی کھلھے حالَ-سنگ نہیں پھر لاج ہے ۔

تر پھر رہی تصویرکسے پرانے سمیں دی؛جد ہوسی کشمیرسبھی، پربین، ستنترا ۔

48

ہور اچیرا، ہور اچیراچڑھ پھر پدھر آئی،مخمل گھاہ سہاوی کن منٹھنڈھ ٹھنڈھ ہے چھائی،تپتاں تے گھمساناں چھٹیاںاچے ہویاں ٹھر گئےٹھرن، جڑن، رس-مگن ہون دیچؤسر وچھی اتھائیں ۔

49

پری محل توں ہیٹھ ارلے پربتیں،چشماں نکا صاف، ہیٹھاں جییشٹھا؛اس توں ہیٹھاں وار سوہنے بنگلے،آدر کر کشمیر سانوں رکھیا ۔

ڈل جی دے دیدار ہیٹھاں ہونودے،کھڑے سفیدے صاف جھوماں دے رہے،کھیتیاں نالے باغ سفیدے ہل رہے،پیلاں پان چکور، پربت وکھیاں،'بن پسوآں چہچکّ' راتیں سنیندی ۔پچھے کھڑے پہاڑ، نرجن سندرتا،شاں شاں دا سنگیت کنیں آنودا ۔

چند چڑھے پچھوار، اگے پے رہے،پرچھاویں رمنیک سوہنے سہمویں؛ایوں جاپے کہ شور اہلے ہو گیا،اکنت ولایت وچّ آکے ٹک گئے،ٹھنڈھی وہے سمیر دیندی لوریاں ۔

50

برفاں نرمی کھائِ ہیٹھاں اتریاں،-ٹھنڈھک ونڈ ونڈائ لٹائیے اپنی،بنکے دان-سروپ ایتھے آندیاں،نرمل نیر انوپ ہوکے وگدیاں ۔ٹھنڈھی ٹری ہواؤ دریوں اچیوں،کھیڈندڑی اے واؤ اس توں ہو رہا،سوہنا نال سہاؤ چھہبر لا رہا ۔

دھرتوں کڈھ سر بارھ چناراں نکلیاں،چھاواں ٹھنڈھیاں ٹھار ہوئِ کھلوتیاں،ٹھنڈھیاں چھاواں جان مینہہ جیوں پے رہا،سہنیاں والی شان ہو رہی دان ہے ۔

ٹھنڈھا ٹھنڈھا نیر ٹھنڈھی چھاؤں ہے،ٹھنڈھی جھلے سمیر ترے اے ٹھنڈھیاں،مانوں ٹھنڈھیاں پان تپت مٹان نوں ۔

تپت ہنالے وچ ٹھنڈھا تھاؤں ہے،بھنی ہے کھشبوئ ٹھنڈھک پے رہی ۔جھاتی کھڑے پہاڑ پچھوں پا رہے،اگے کھڑا مدان لوری دے رہا ۔سکھ دا پڑ اے تھاؤں قدرت سوہنی،وانگوں پیاری ماؤں بالاں واسطے،رچیا اتی رمنیک سہاواں والڑا ۔

51

ولر تیرا کھلھا نظارہویکھ ویکھ دل ٹھریاکھلھا، وڈا، سوہنا، سچا،تازہ، ہریا بھریا؛سندرتا تر رہی تیں اتےکھل اڈاریاں لیندینرجن پھبن کوآری رنگترس اننت دا وریا ۔

52

جکر رلدے سیب تے نشپاتیاںوچّ گراں کشمیر تیکر رل رہیسندرتا وچ خاک لیراں پاٹیاں،جکر پھلّ گلاب ٹٹا ڈھیہہ پوےمٹی گھٹے وچ ہوئے نمانڑا ۔

53

تیرا نیر نپنگکرشن گنگ تیرا ناؤں،کچا ساوا رنگدھائی آ رہی ۔سوہنے ہرگوبندعرشوں آئِ جو،تنھ دے چرن-اربندوچ توں لیٹدی،-ہوئییں 'کرشنا-گنگشنا'ہن توں سہنیئیں !چرناں دا ستسنگکردی اوہناں دا ۔اگے ہور ن لنگھچرنن کمل توں،لین ہوئِ وچ رنگجاہُ سمائِ توں !پریتم دی 'چھوہ-انگ'سجنیئے ! جے ملے،پھر ن چھوڈیئے سنگانک سماویئے ۔

54

میں رنی میں رنی وے لوکا !مینہہ کیوں چھہبر لائے:ٹری ودستھاں ڈل بھر آئےتے ولر امڈ امڈائے :-آپا ہیٹھ وچھاکے سہیو !اساں نواں کشمیر بنایا،گاؤ سہاگ نی سہیو ! سوہناکدے سیر کرن چل آئے ۔

55

کشمیرن اک للی آکھدےسائیں-اشکں پروتی،ہو بؤری ننگی پئی پھردیاندروں باہروں دھوتی ۔چانچکّ کپڑے پئی منگےآپا پئی لکاوے،کسے پچھیا، 'اج کی ہویا ؟'للی ن ہوٹھ کھلھاوے ۔'ہوں' کرکے اٹھ گئی سہاویمٹھی تیوڑی پائی،'حسن-احساس' جاگیاں والیرمز کسے نہ پائی ۔نگن سندرتا نیانی نیانیپردہ لوڑ ن رکھدی،سندرتا مٹیار جدوں ہورنگ روپ چڑھ بھکھدی،'حسن-احساس' جدوں 'آپے' دامد بھر آپے تکدی،آپے تے عاشق ہو آپے'مد' آپے دا چھکدی،-تدوں ڈرے مت نظر کسے دیپیکے میل لگاوے،نظر دوسری توں شرماوے'آپا' پئی لکاوے ۔

56

واہ نشاط ترے فرش سہاوےمخمل نوں شرماون،کھڑے کھڑے ہن پھلّ سہاوےسہنیاں ویکھ لجاون،نہراں وگن، پھوارے چھٹنآبشار جھرناون،پانی کرے کلول مستویںجھرنے راگ سناون،جیوں کتھک گاون تے نچننال بتاوا لاون ۔کھڑے چنار دولی سوہنےٹھنڈھیاں چھاواں پاون،جویں پارکھد اندر پوری توںآئے روپ دکھاون،کھیڑے سہج سندرتا سارےہو کٹھے رنگ لاون ۔پر نشاط تیرے وچ کجھ کجھنظر اداسیاں آون،-اتنا مال حسن دا پاکےکیوں دلگیریاں چھاون ؟سن ایہہ واک باغ جی روئےجھینی بانِ سناون:قدرت تے مانکھ دو رچویںساز سامان بناون:کمی نہیں میں رہی کسے گلّکھیڑے سہج سہاون،اکھاں بھی لکھاں آ آ کےمیری قدر کراون،واہ واہ کرن، کھڑن خوش ہوون،استتِ میری گاون؛ایپر نین او نور جہاں دےجو کھچاں وچ آون،بؤرے ہو آپے وچ کھچدےنینیں نین سماون،نین کٹورے نور-جہاں دےمد بھر مد بھر لیاون،نین پیاسے اپنے اس دےنیناں وچّ سماون،رج رج پین، مست ہو نھاون،پیاری جھومّ جھماون،رنگ رتڑے او نین اوس چھن،پینگھ چڑھے رنگ لاون،'حسن-احساس' اپنے جاگنمد بھر مد برساون؛کدے نظر بھر ویکھن سانوںکانبا اک چھڑاون،چھوہ نیناں دی اوس پلک دیبجلی دی تھرراون،رگ ریشے ساڈے وچ پھر کےبھر دیندی کمپاون،-اوہ رس بھری لہر سی کھیڑااوہ نشاط من بھاون،اوہ دیندی اک حسن ہلارابے معلوم کھڑ-جاون،پیار-ڈورر اوہ نکی جہیستیاں ٹمب جگاون،پھر نہیں ملی دات او سانوںپیاری لٹک لگاون ۔کھیڑے، خوشیاں، پھلّ سہاوے،پھل، میوے پئے آون،ڈلھ ڈلھ پوے سندرتا آئی؛ہے بہار تے ساون،پر اوہ نظر رنگ وچ رتی'پیار پلی' جھمکاون،روح ساڈی نوں کدھروں آکےکردی نہیں کھڑاون ۔اس کرکے اک مٹک سہمویںبے-معلوم 'چھوہ-چھاون'،کھیڑے ساڈے دے وچ وسدی،ہندی کسے لکھاون،پیار-پیڑر دی سوجھی جس دلسائیں کیتی پاون ۔

57

-شالامار دی باراندری وچ سویرے سفنے توں اٹھکے-پانی صاف شفاف بلوری ڈھل رہا؛پربت وکھیؤں صاف کہ ٹردا آ گیا ۔بھردا آن تلاؤ کہ چلن پھہارڑے؛سوہنا آپ سہاؤ کہ بن بن پے رہا ۔

باراندری وچالِ جو ایس تلاؤ دے،بھر خوشیاں دے نال جو پیاری دے رہی،اندر پلنگھ ڈہائ کے سوہنا سوں رہا ۔ٹھنڈھی وگے ہوائ ہمالیی، سوہنی ۔

چلن پھہارے-نادرے قدرتی ہو رہا،مستی والے سواد کہ بے خود سوں رہا ۔ابھڑ واہے جاگ اوہ اٹھکے بہہ گیا'اﷲ میرے بھاگ !' اوہ کہہ کہہ جھک رہاہتھاں ونے ویکھ اوہ اپر ویکھدا،انے سنے دیکھ اوہ منہ ہتھ پھیردا:اپر چک چک ہتھ اوہ کردا جودڑی:'اﷲ مینوں رکھ میں عرض گزاردا' ۔فرامرز دلگیر ایوں ہو ہو ولکدا:'بخشیں میں تقصیر کہ عرضاں سن لئیںسہنیاں دے سرتاج وے اﷲ میریا !خوباں دے مہاراج ! وے سہجاں والیا !حسناں وچ دیدار حسن ہوئِ پھیلیوں،کیتے کرم اپار کہ سپنے وچ توں،جنت دا دیدار میں اج دکھالیا ۔تیرا شکر ہزار جو مینوں دسیا ۔اگلا حالَ حوال کہ سفنے وچ توں ۔خوش ہویا ایہہ ویکھ کہ اگے ذائقےمیرے سوہنے لیکھ او ہسنا والڑےجاسن میرے نال،-میں جنت وسنا،کردا شکر ہزار میں ہاں سرکار دا،پر اک عرض گزار میں مانیں متیاکردا ہاں دربار جو تیرا سوہنا،بخشش نال اپار اے کرو قبول جی:

جنت اجے نصیب او میرے ہوئِ نہ،جنت ایہہ کشمیر کہ مینوں بکھشیؤایتھے پیاری نال کہ سہنیاں رہن دے !توں لعلاں دا لال کہ لال کمال ہیںپر اوہ لالا-رخّ میں بخشی رکھنی ۔حوراں جنت سکھ ن میں ہاں منگدا ۔سکھ اگاہاں ڈھیر میں سفنے دیکھ لئے ۔پر سہنیا ! کر میرھ کہ ایے رہن دےسونہ اﷲ دی کھائِ میں اﷲ آکھدا:

جھاکی پہلی پائِ کے لالا-رخّ دیروح کھا گئی حلول کہ روح روح جا ملیسونہ ہے نبی رسول سی میرے وسّ نہ ۔ہر ہر وچ پرکاش اوہ کہندے ہو رہا'تیرا کہن نواس ہے ہر اک رنگ تے:ہندو پتھر وچّ ہے تینوں ویکھدا،مسلم اکھاں کھچّ اکاشیں تکدا،قدرت دے وچکار سو رسیے ویکھدے،وچّ اگّ دیدار توں دیویں گبر نوں ۔پیراں وچ مرید ہے تینوں ویکھدےمینوں ملی ن دید کہ کدھروں تدھّ دی ۔لالا-رخّ دا نور کہ میں جد ویکھیا،میرا عقل شعور او میں چھڈ نسیا ۔جھلکا سی دیدار او تیرے نور دا ؟توں ہیں اس وچکار کہ جلوا تدھّ دا ؟اوہ سی حسن کہ پیار کہ اوہ کئی سچ سی ؟اوہ سی روپ انگار کہ جادو سحر سی ؟اندر جو کمپائ کہ کھادھا میں تدوں،-اوہ سی جو سی ہائِ اوہ مینوں لے گیا،آپے توں بی پار کہ کتے اگمّ تھاںقدماں دی سہں دھار میں اﷲ آکھدا؛لالا-رخّ دی چھوہ کہ درشن اوسدا،کنّ-اکھیاں دی ٹوہ کہ اک مٹکڑا،مسکاہٹ دی لہر کہ ناد آواز داکر جاندا ہے قہر کہ سکاں آکھ نہ ۔آپا جمبش کھائِ کے لہرے لہر ہوجھرن جھرن جھرنائ کہ تھر تھر تھرکداکمب کھائِ وچ رنگ او ڈبدا لہردا،ایس لہر دے چنگ ہو میں بے بس ہاں ۔اس جھلکے دا جھسّ جو اس دا سواد ہے،اﷲ اجے ن کھسّ میں بیبے رانیاں !دور ولیتوں دھائ کہ ایتھے آ گیاں؛اے فردوس سو ٹھائں کہ کوسر ایس تھاں ۔شالہ مار نشاط کہ اچھابل صحیحچشمہ شاہی جھات ہے باغ ارمّ دی،لالا-رخّ دے باغ او بلبل سوہنیسدا رہے دلثاد کہ باغیں بولدی،سدا رہے رسرنگ او کھڑی پیارڑی،اچی سرت سونّ کہ لہرے لے رہی،کدی ن ہوئِ ملول کہ نہ دلگیر ہو،چڑھیا رہے، چلول کہ رنگ گلزار دا،کھڑی رہے گلزار جو اسدے روپ دیمینوں ہوئِ دیدار، او جھلکا روپ دا ۔

اوہ کانبا، اوہ دید کہ 'روح-اچھال' او،جسدا ہوئِ شہید کہ میں ہاں جیؤ رہا،جنت ایہہ کشمیر جو ڈٹھا آن میں،میری کر تقدیر کہ ایتھے میں رہاں ۔

لالا-رخّ توں ہائِ نہ وچھڑاں میں کدے ۔اے اپبن، اے تھائیں کہ بلبل لال رخاس بلبل دے گیت کہ سن سن کھڑاں میں،سوہنا ایہہ سنگیت تھرراوے دل مرا ۔بلبل نوں رکھ شاد کہ گاندی ہی رہے،تھرراندی جیوں راگ تے غمکاں چھیڑدی ۔کدی ن وچھڑاں ہائِ میں اسدی چھوہ توں ۔برہا کدی ن پائِ کہ اس دیدار توں ۔جنت اجے نصیب کہ میرے ہوئِ نہ،جنت ایہہ کشمیر کہ کھسے ن اجے،میری لالا-رخّ ن میتھوں وچھڑے،مینوں لالا-رخّ او بخشی رکھنی ۔چشمے وہن شفاف او گاندے نچدےچلن پھہارے صاف کہ راگ الاپدے،چھاواں دین چنار پنگھوڑے جھوٹدے،ناکھاں لوچے سیؤ تِ میوے جھومدے،رس انگور امیؤ او ویلاں توں جھرے،سورج چندوں نور کہ تاریوں چاننا،مٹھی پون ٹھرور ہمالے دی جئی،پنچھی راگ سنان کلولاں کرن تےپھل او مشک مچان کہ کھلرے مہک آرس پیندی وچکار اوہ لال رخ ہئےمست اپنے پیار کھڑی اک چند جیوںمیں وچ وانن چکور کہ تکاں چند نوں،اس جھلکے دے لور میں کہکاں بیخدا ۔جنت اجے نصیب او اﷲ نہ کریں،جنت اس کشمیر کہ مینوں رکھنا،بخشی لالا-رخّ جو سدا بہار میں،بخشیں اچا سکھ مٹکے حسن دا ۔جس چھوہ دے میں نال کہ ہاں جی اٹھیاجس چھوہ دے رنگ لال میں ہیواں کھڑ پیاجس چھوہ دی لے چھوہ میں ستا جاگیااس دی چھوہ ہن کھوہ ن کرو اچھوہ جی ۔اس چھوہ دے پچھوار کہ لککے سہنیاں !چھوہ اپنی، داتار ! اساں نوں بخشنی ۔'

58

سہنیاں توں جد وچھڑن لگیئےدل دلگیری کھاوے،پر تیتھوں ٹردیاں کشمیرے !سانوں نہ دکھ آوے،'مٹک-ہلورا' چھوہ تیری داجو روح ساڈی لیتاکھیڑے والی مستی دے رہا،نال نال پیا جاوے ۔

59

وے ماہیا ! گلے تیرے گانیاںڈھوواں پانی نوں! کملانی جانی آں

Point at or tap a word to see its meaning. With a keyboard, Tab reaches the words and the arrow keys move between them.